A incorporación ao mercado de traballo no sector da hostalaría e a restauración depende a partes iguales da calidade da formación recibida e a experiencia adquirida. É por isto que desde Hostelería Compostela apostamos por ofertar aos nosos asociados e a todo aquel que o precise aulas de formación dirixidas por expertos do sector, é o caso dos consultores de Edan Xestión, Emilio Arias e Ángel González que están a impartir nestes meses diferentes sesións formativas para empresarios e emprendedores do mundo da restauración e a hotelería. Para saber un pouquiño máis destas aulas falamos con eles.
Que é a Aula de Negocios para Empresari@s Hosteleir@s
Partimos da idea de que “se buscas resultados distintos, non fagas sempre o mesmo”, como dicía Einstein.
A Aula de Negocios da Asociación é un punto de encontro onde buscar eses resultados distintos e mellores, que poidan axudar a empresas ou profesionais que necesitan un cambio para: seguir adiante, acadar os seus obxectivos económicos, etc.
Traballamos aspectos clave para a boa marcha do negocio: captación e fidelización de clientes, estratexias de diferenciación da competencia, prezos e marxes de rendibilidade, redes sociais, etc.
O papel da Aula de Negocios para Empresari@s Hosteleir@s non é só ofrecer formación: vai moito máis alá. Mediante as actividades escoitamos as necesidades das empresas e profesionais membros da Asociación, as encauzamos consensuadamente con elas/es e podemos propoñer solucións concretas, tentando minimizar os custos para a empresa asociada.
Que diferencia esta formación doutras ofertas similares?
O papel da formación debe ser proactivo, e buscar solucións a necesidades concretas.
O que nos diferencia é o enfoque: non cremos na formación do tipo “As 7 claves para que funcione o teu negocio”, etc. Nos enfocamos nas necesidades concretas d@s participantes, e non en recetas milagrosas xerais. Nesta formación abrimos un diálogo construtivo cos/as asistentes e traballamos sobre cuestións concretas que saian delas/es.
De feito, a maior parte das 2 horas de cada actividade fixada para este primer trimestre, adícanse a iso.
E despois mantemos durante 1 mes unha canle de contacto aberta, gratuíta, para dúbidas ou consultas que poidan xurdir no día a día da actividade.
A quen vai dirixida
Vai dirixida a empresari@s, persoal directivo, ou calquera persoa que teña un papel xerencial ou decisorio no establecemento hostaleiro.
As próximas accións formativas son:
Quero diferenciarme da competencia. Que podo facer? (2 marzo).
- Que significa diferenciarse da competencia?
- Como transmito ao potencial cliente que o meu negocio é diferente e atractivo?
- Influencia positiva e negativa da competencia no meu negocio.
- Como facelo?
Que prezos poño no meu local? (9 marzo).
- Que debe determinar os prezos do meu local?
- Marxes de rendibilidade, produtos estrela e produtos gancho.
- Como facer un escandallo útil.
Captar clientes a través das redes sociais (23 marzo).
- O meu negocio ten que estar onde están os meus clientes.
- Son útiles as redes sociais? Internet como campo de conversa interesada.
- Como sacarlles rendemento ás redes sociais: cal/es elixir; que buscar con cada unha delas; etc.
- Como captar o interese da xente a través do que publicas.
Custo:
Para estas accións formativas o custo é de 60 €/asistente, agás para empresari@s e profesionais asociad@s, así como para o seu persoal, que sería de 30 €/asistente.
Inscrición e consultas:
Para inscribirse ou realizar calquera consulta só é preciso chamar ao teléfono 667 905 330 ou enviar un e-mail a info@edanxestion.com con asunto “Inscrición curso asociación hostelería”, indicando: o seu nome e apelidos, empresa á que pertence, se é membro da Asociación, e o curso para o que desexa inscribirse.