O futuro do sector da hostalería pasa por ser coidadoso co medio ambiente que lle rodea e co planeta. A descarbonización, a través da redución de emisións de CO2, é unha aposta firme de Coca-Cola, que, con este obxectivo, colabora coa Fundación ECODES en Hostalería #PorElClima, un proxecto que impulsa a acción contra o cambio climático no sector hostaleiro.

No marco desta iniciativa, a Asociación Hostalería Compostela acolleu unha sesión formativa e de sensibilización organizada por Coca-Cola e á que acudiron preto dunha vintena de representantes do sector hostaleiro de Santiago de Compostela. O presidente da Asociación, Thor Rodríguez, foi o encargado de dar a benvida aos asistentes e, durante a súa intervención, agradeceu a Coca-Cola este tipo de iniciativa relacionados con reducir o impacto do sector sobre o medio ambiente, contribuíndo así á súa sustentabilidade non só ambiental, senón tamén económica.

A xestora de Comunicación de Coca-Cola Europacific Partners Iberia Gema Domínguez Barral presentou os detalles da plataforma Hostalería #PorElClima onde se dan as claves da loita contra o cambio climático e onde se descobren as pautas de implementación para reducir o impacto no medio. “A hostalería constitúe un sector de gran importancia para a economía española. Atopámonos nun momento clave no que a hostalería pode dar a coñecer o seu compromiso coa sustentabilidade e a loita contra o cambio climático e aproveitalo para convertelo nun elemento que contribúa a dar un impulso á súa recuperación económica nunha situación como a actual”, explicou.

A continuación, o brand ambassador de Coca-Cola Adrian Costa impartiu unha formación con diferentes produtos da compañía, como Royal Bliss e Appletiser, para crear novas ocasións de consumo.

Sobre Hostalería #PorElClima

Hostalería #PorElClima naceu no ano 2017, tras o chamamento mundial para adoptar medidas que contribuísen a frear a emerxencia climática e permitisen facer posible un mundo mellor e máis sostible. Constitúe unha plataforma virtual que aúna á comunidade de establecementos que decidiron comprometerse coa sociedade, coa nosa contorna e cun futuro mellor. Forma parte da Comunidade #PorElClima e está desenvolta por Ecodes como secretaría executiva, coa colaboración estratéxica e o impulso de Coca-Cola e o apoio de Hostalería de España.

Hostalería #PorElClima facilita, cun enfoque positivo centrado nas solucións, que as empresas de hostalería se sumen aos obxectivos do Acordo de París e consigan converterse en establecementos neutros en carbono. Todo iso, expoñendo e dando visibilidade ás accións que, desde a hostalería, xa se realizan en favor do clima e ofrecendo ferramentas, información e pautas de actuación para, coa implicación de todos, frear o cambio climático.

Desde que se puxo en marcha en 2017, un total de 1.100 establecementos adheríronse á iniciativa, 83 deles en Galicia, desenvolvendo máis de 11000 accións polo clima. Ademais, para dar relevancia e visibilidade ás boas prácticas do sector, a web de Hostalería #PorElClima publicou máis de 150 historias e seis casos de éxito.